د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې د هدفي وژنو په تور دوه پولیس نیول شوي

غزني کې د هدفي وژنو په تور دوه پولیس نیول شوي

Jul 16, 2017 - 16:20

غزني ښار (پژواک، ٢٥ چنګاښ ٩٦): د غزني پوليسو دوه هغه پوليس ونيول چې په دغه ولايت کې به يې هدفي وژنې ترسره کولې.

د غزني سرپرست امنيه قوماندان سمونوال مصطفى مايار د چنګاښ په ٢٥مه خبريالانو ته وويل چې دغه دوه پوليس په سيمه ييزو پوليسو کې وو چې تېر کال له وسله والو طالبانو سره يو ځاى شوي وو.

مايار وايي: ((دغو کسانو د طالبانو په امر په سيمه ييزو پوليسو کې يې دنده اخيستې وه، وروسته بيا بېرته له طالبانو سره يو ځاى شول او په ښار کې یې هدفي وژنې ترسره کولې.))

هغه زياته کړه چې د پوليسو له ډېرو هڅه وروسته دغه دوه تنه پرون په غزني ښار کې ونيول شول.

نوموړي د یادو کسانو نومونه له رسنيو سره شريک نه کړل.

قوماندان دا هم وويل، پوليسو يو بل تن هم نيولی چې له پوليسو به يې وسلې اخيستې او طالبانو ته به يې ورکولې.

ده وويل: ((دغه کس عزيزي احمد نومېږي، ده به پوليسو ته نشه يي توکي ورکول بيا له پوليسو څخه وسلې اخيستې او د طالبانو مشهور قوماندان ملا ګيبل ته یې ورکولې.))

مايار وايي چې نيول شوي کسان به ډېر ژر قضايي ارګانونو ته وسپارل شي.

د يادونې ده، غزني د افغانستان د ناامنو ولايتونو له ډلې دى چې د وسله والو نښتو تر څنګ هدفي وژنې او وسله والې غلاوې هم په کې ترسره کېږي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement